«Լացիոյի» և Ֆրանսիայի հավաքականի կիսապաշտպան Մատեո Գենդուզին կարող է վերադառնալ Անգլիա, ըստ La Gazzetta dello Sport-ի։ «Նյուքասլը» հետաքրքրված է «Արսենալի» նախկին ֆուտբոլիստով և պատրաստ է նրա համար առաջարկել 40 միլիոն եվրո։
Գենդուզիի ապագան կախված է «Նյուքասլի» իտալացի կիսապաշտպան Սանդրո Տոնալիի հետ կապված իրավիճակից, որով հետաքրքրված է «Յուվենտուսը»։ Հնարավոր է նաև, որ խաղացողի գործակալները «Նյուքասլին» օգտագործեն Գենդուզիի «Լացիոյի» հետ կնքված պայմանագրի պայմանները բարելավելու համար։
26-ամյա ֆրանսիացին հռոմեական ակումբ է տեղափոխվել «Մարսելից» նախորդ մրցաշրջանից առաջ՝ 13 միլիոն եվրոյի դիմաց։ Նա «Լացիոյի» կազմում բոլոր մրցաշարերում անցկացրել է 48 հանդիպում՝ խփելով մեկ գոլ և կատարելով հինգ գոլային փոխանցում։