Առաջին Հանրապետության օրը Սարդարապատում է նշել Հայաստանի քաղաքական վերնախավը: Նիկոլ Փաշինյանը Սարդարապատի հերոսամարտի հուշահամալիր է բարձրացել Հանրապետության նախագահի ու Ազգային ժողովի նախագահի ուղեկցությամբ: Առանց հոգևորականների ու առանց հասարակ քաղաքացիների՝ ուժեղացված հսկողություն է եղել հուշահամալիրի մոտ: Լրագրողների ու սովորական մարդկանց մուտքը արգելապատնեշներով փակված է եղել մինչև պաշտոնյաների այցն ու այցի պահին: 107 տարի առաջ հռչակված Առաջին Հանրապետության օրվա շնորհավորական ուղերձը Սարդարապատում է հնչեցրել Հայաստանի վարչապետը: