Ադրբեջանն օկուպացված Բերձորում ճոպանուղի է կառուցում. Ալիևը հետևել է աշխատանքներին

Ադրբեջանի նախագահ Իլհամ Ալիևը մասնակցել է օկուպացված Արցախի Բերձոր քաղաքում ճոպանուղու կառուցման աշխատանքներին:

Այս մասին հայտնում է ադրբեջանական Report-ը: Ալիևը մասնակցել է ճոպանուղու հիմքերի լցման աշխատանքներին:

Նրան ուղեկցել է Ադրբեջանի թվային զարգացման և տրանսպորտի նախարար Ռաշադ Նաբիևը: Նա տեղեկացրել է առաջիկա աշխատանքների մասին: Հավելենք, որ վերջին ամիսներին Ադրբեջանը ակտիվորեն բնակեցնում է օկուպացված Արցախի Բերձոր քաղաք: