«Սատանան կրում է Prada» ֆիլմի երկար սպասված շարունակությունը պաշտոնապես ստացել է պրեմիերայի ամսաթիվ: Ըստ Variety-ի՝ Disney-ը ֆիլմի սիքվելը ներառել է թողարկումների թարմացված օրացույցում։ Ֆիլմը էկրաններ կբարձրանա 2026 թվականի մայիսի 1-ին։
Թեև սյուժեի մանրամասները և դերասանական կազմը դեռ գաղտնի են պահվում, սակայն սպասվում է, որ Մերիլ Սթրիփը կվերադառնա որպես գլխավոր խմբագիր Միրանդա Փրիսթլի, իսկ Էմիլի Բլանթը կրկին հանդես կգա առաջին օգնական Էմիլի Չառլթոնի դերում: Ինչ վերաբերում է Էնն Հեթուեյի մասնակցությանը, որը մարմնավորում էր Փրիսթլիի օգնականին՝ երիտասարդ լրագրողին, ապա պաշտոնական հայտարարություններ դեռ չկան։
Ֆիլմը թողարկվել է 2006 թվականին և դարձել իսկական հիթ՝ կինովարձույթում հավաքելով ավելի քան 300 միլիոն դոլար և ձեռք բերելով «պաշտամունքային» կարգավիճակ նորաձևության ոլորտում։