https://arm.sputniknews.ru/20250526/angraget-pashtvonjaji-khvosujt-erusaghemi-hajvoc-patriarqarany-datapartel-e-pashazadei-elujty-89398480.html
Անգրագետ պաշտոնյայի խոսույթ. Երուսաղեմի հայոց պատրիարքարանը դատապարտել է Փաշազադեի ելույթը
Անգրագետ պաշտոնյայի խոսույթ. Երուսաղեմի հայոց պատրիարքարանը դատապարտել է Փաշազադեի ելույթը
Sputnik Արմենիա
Հայտարարության մեջ ասվում է, որ Փաշազադեի ելույթները կոչված են պատրվակ ստեղծելու ներկա և ապագա տարածքային և մշակութային ագրեսիայի համար։ 26.05.2025, Sputnik Արմենիա
2025-05-26T22:45+0400
2025-05-26T22:45+0400
2025-05-26T22:45+0400
երուսաղեմի պատրիարք նուրհան մանուկյան
երուսաղեմ
երուսաղեմի հայոց պատրիարքարան
https://cdn.am.sputniknews.ru/img/07e8/04/0e/74527355_0:0:1601:901_1920x0_80_0_0_6feda0d679ea1a5b1fdb554c544dcd35.jpg
ԵՐԵՎԱՆ, 26 մայիսի – Sputnik. Կովկասի մահմեդականների վարչության ղեկավար Ալլահշուքյուր Փաշազադեն խոսում է ոչ թե որպես հավատքի մարդ, այլ որպես քարոզչական ռեժիմի անգրագետ պաշտոնյա՝ տարածելով իր երկրի ռեժիմի կողմից աջակցվող պատմական կեղծիքներ: Այս մասին ասվում է Երուսաղեմի Հայոց պատրիարքարանի հայտարարության մեջ՝ կապված Փաշազադեի վերջին հայտարարությունների հետ։Ինչպես նշվում է հայտատարության մեջ, Ադրբեջանի իշխող ռեժիմի կողմից ապատեղեկատվության արշավը նոր բարձունքների է հասել: Փաշազադեի խոսքերը նույնքան սադրիչ են, որքան անհեթեթ, ուստի մեջբերման արժանի չեն։Պատրիարքարանն արձանագրել է, որ վերջին ամիսներին ահագնացել է ապատեղեկատվական արշավը, ինչը նպատակ ունի վերացնել հայկական մշակութային ժառանգությունը՝ այն փոխարինելով մտացածին «կովկասա-աղվանականով»:«Հայկական եկեղեցիների և գերեզմանատների սիստեմատիկ ոչնչացումից մինչև այդ մշակույթի «ալբանական» ծագման մասին թեզիսների նպատակը պարզ է՝ հայերին վտարել սեփական հողից և լռեցնել Հայ Առաքելական Եկեղեցուն՝ միակ կազմակերպությանը, որի վրա չի կարելի ներգործություն ունենալ», – ասվում է X սոցիալական ցանցում հրապարակված հայտարարության մեջ:Ընդգծվում է, որ Փաշազադեի ելույթները կոչված են ներկա և ապագա տարածքային և մշակութային ագրեսիայի համար ստեղծելու առիթ։Երուսաղեմի Հայոց պատրիարքարանը աջակցություն է հայտնել Մայր աթոռ Սուրբ Էջմիածնին և բոլոր հայերին՝ դատապարտելով Փաշազադեի հայտարարությունները:Հիշեցնենք` օրեր առաջ Փաշազադեն հայտարարել էր, որ հայկական կրոնական սրբավայրերը, նույնիսկ Սուրբ Էջմիածնի 1700-ամյա Մայր տաճարը, իբր գտնվում են «պատմական ադրբեջանական հողերում»: Անհեթեթությունների շարքը Փաշազադեն ամփոփել էր հայտարարությամբ, թե իբր Հայ առաքելական եկեղեցին սպառնում է տարածաշրջանի երկրներին։Մայր աթոռ Սուրբ Էջմիածինը պատասխանել էր Բաքվի ղազիաթների խորհրդում Փաշազադեի արտահայտություններին: Մայր աթոռի հայտարարության մեջ նշվում էր, որ Ադրբեջանի հոգևոր առաջնորդի հրապարակային հայտարարություններում մշտապես արտացոլվող թշնամանքն ու կեղծիքը վկայում են, որ այդ երկիրն ինքը (եթե արտահայտվել իր իսկ խոսքերով) սպառնալիք է տարածաշրջանի հարևան երկրների համար:
երուսաղեմ
2025
Լուրեր
am_HY
https://cdn.am.sputniknews.ru/img/07e8/04/0e/74527355_133:0:1336:902_1920x0_80_0_0_86d9c9a5ff5e6f3001afe2e8f415ea5b.jpg
երուսաղեմի պատրիարք նուրհան մանուկյան, երուսաղեմ, երուսաղեմի հայոց պատրիարքարան
երուսաղեմի պատրիարք նուրհան մանուկյան, երուսաղեմ, երուսաղեմի հայոց պատրիարքարան
Հայտարարության մեջ ասվում է, որ Փաշազադեի ելույթները կոչված են պատրվակ ստեղծելու ներկա և ապագա տարածքային և մշակութային ագրեսիայի համար։
ԵՐԵՎԱՆ, 26 մայիսի – Sputnik. Կովկասի մահմեդականների վարչության ղեկավար Ալլահշուքյուր Փաշազադեն խոսում է ոչ թե որպես հավատքի մարդ, այլ որպես քարոզչական ռեժիմի անգրագետ պաշտոնյա՝ տարածելով իր երկրի ռեժիմի կողմից աջակցվող պատմական կեղծիքներ: Այս մասին ասվում է Երուսաղեմի Հայոց պատրիարքարանի հայտարարության մեջ՝ կապված Փաշազադեի վերջին հայտարարությունների հետ։
Ինչպես նշվում է հայտատարության մեջ, Ադրբեջանի իշխող ռեժիմի կողմից ապատեղեկատվության արշավը նոր բարձունքների է հասել: Փաշազադեի խոսքերը նույնքան սադրիչ են, որքան անհեթեթ, ուստի մեջբերման արժանի չեն։
Պատրիարքարանն արձանագրել է, որ վերջին ամիսներին ահագնացել է ապատեղեկատվական արշավը, ինչը նպատակ ունի վերացնել հայկական մշակութային ժառանգությունը՝ այն փոխարինելով մտացածին «կովկասա-աղվանականով»:
«Հայկական եկեղեցիների և գերեզմանատների սիստեմատիկ ոչնչացումից մինչև այդ մշակույթի «ալբանական» ծագման մասին թեզիսների նպատակը պարզ է՝ հայերին վտարել սեփական հողից և լռեցնել Հայ Առաքելական Եկեղեցուն՝ միակ կազմակերպությանը, որի վրա չի կարելի ներգործություն ունենալ», – ասվում է X սոցիալական ցանցում հրապարակված հայտարարության մեջ:
Ընդգծվում է, որ Փաշազադեի ելույթները կոչված են ներկա և ապագա տարածքային և մշակութային ագրեսիայի համար ստեղծելու առիթ։
Երուսաղեմի Հայոց պատրիարքարանը աջակցություն է հայտնել Մայր աթոռ Սուրբ Էջմիածնին և բոլոր հայերին՝ դատապարտելով Փաշազադեի հայտարարությունները:
Հիշեցնենք` օրեր առաջ Փաշազադեն հայտարարել էր, որ հայկական կրոնական սրբավայրերը, նույնիսկ Սուրբ Էջմիածնի 1700-ամյա Մայր տաճարը, իբր գտնվում են «պատմական ադրբեջանական հողերում»: Անհեթեթությունների շարքը Փաշազադեն ամփոփել էր հայտարարությամբ, թե իբր Հայ առաքելական եկեղեցին սպառնում է տարածաշրջանի երկրներին։
Մայր աթոռ Սուրբ Էջմիածինը պատասխանել էր Բաքվի ղազիաթների խորհրդում Փաշազադեի արտահայտություններին: Մայր աթոռի հայտարարության մեջ նշվում էր, որ Ադրբեջանի հոգևոր առաջնորդի հրապարակային հայտարարություններում մշտապես արտացոլվող թշնամանքն ու կեղծիքը վկայում են, որ այդ երկիրն ինքը (եթե արտահայտվել իր իսկ խոսքերով) սպառնալիք է տարածաշրջանի հարևան երկրների համար: