Կիրակի՝ մայիսի 25-ին, Բուրսան դարձել է Թուրքիայի ընդդիմադիր Հանրապետական ժողովրդական կուսակցության հերթական հանրահավաքի վայրը: Հավաքը կրում էր «Ժողովուրդը պաշտպանում է իր կամքը» կարգախոսը, հաղորդում են թուրքական լրատվամիջոցները։
Ժողովրդա-հանրապետական կուսակցությունը (CHP) ամեն շաբաթ հանրահավաքներ է կազմակերպում Թուրքիայի տարբեր նահանգներում՝ պահանջելով արտահերթ նախագահական ընտրություններ և ձերբակալված նախագահի թեկնածու Էքրեմ Իմամօղլուի ազատ արձակումը։
Հանրահավաքի վերջին նախապատրաստական աշխատանքներն ավարտվել են։ Քաղաքի հրապարակը, որտեղ պետք է տեղի ունենա հանրահավաքը, շրջափակված է ոստիկանության կողմից։