ՀՀ կառավարությունը հաստատեց «Հայաստանի Հանրապետության 2025 թվականի պետական բյուջեի մասին» Հայաստանի Հանրապետության օրենքում և Հայաստանի Հանրապետության կառավարության 2024 թվականի դեկտեմբերի 27-ի N 2060-Ն որոշման մեջ փոփոխություններ և լրացումներ կատարելու մասին նախագիծը:
Տարածքային կառավարման և ենթակառուցվածքների նախարարի տեղակալ Քրիստինե Ղալեչյանը ներկայացրեց համայնքային ենթակառուցվածքների զարգացմանն ուղղված սուբվենցիոն ծրագրերը 713 մլն 909 հազար դրամով համաֆինանսավորելու վերաբերյալ որոշման նախագիծը: Նախագծով առաջարկվում է համաֆինանսավորել 15 համայնքների 33 սուբվենցիոն ծրագրեր:
Ըստ մարզերի բաշխվածությունն հետևյալն է.
-
Արարատի մարզում ունենք 5 ծրագիր՝ շուրջ 85 մլն դրամ համաֆինանսավորմանբ. -
Արմավիրի մարզում՝ 7 ծրագիր՝ 101 մլն դրամի ֆինանասավորմամբ. -
Գեղարքունիքի մարզի 11 ծրագիր՝ 16 մլն դրամ համաֆինանսավորմամբ. -
Լոռու մարզում՝ 2 ծրագիր՝ շուրջ 232 մլն դրամ. -
Շիրակի մարզի 2 ծրագիր՝ 16 մլն դրամ. -
Տավուշի մարզի 6 ծրագիր՝ 261 մլն դրամ:
«Միաժամանակ ցանկանում եմ նշել, որ սույն որոշման հաստատմամբ կունենանք ՀՀ 2025 թվականի պետբյուջեից 5 մլրդ 46 մլն դրամի համաֆինանսավորված սուբվենցիոն ծրագրեր»,- հավելեց փոխնախարարը: