Այսօր՝ մայիսի 18-ին, Վատիկանում տեղի է ունենում Հռոմի պապ Լևոն XIV-ի երդմնակալության արարողությունը։ Ուղիղ հեռարձակումն իրականացնում են բազմաթիվ ալիքներ, այդ թվում՝ Vatican News պորտալը։
Ծիսակարգից առաջ, որը սկսվել է երկրի վրա Քրիստոսի առաջին Պապ-փոխանորդի գերեզմանի մոտ, Լևոն XIV-ը բաց մեքենայով (պապամոբիլ) անցել է Սուրբ Պետրոսի հրապարակով։ Հազարավոր հավատացյալներ և զբոսաշրջիկներ հավաքվել են Վատիկանում՝ դիտելու ծեսը: Հռոմի իշխանությունների կարծիքով, որոնք ապահովում են անվտանգությունը, հավաքվածների թիվը կարող է հասնել 250 հազարի:
Հրապարակում ներկա են նաև ավելի քան 150 պատվիրակություններ։ Լայնորեն ներկայացված են տարբեր քրիստոնեական դավանանքներ՝ սկսած Կոստանդնուպոլսի պատրիարքարանից։
Հիմնական իրադարձությունը կլինի Լևոն XIV-ին պապական իշխանության խորհրդանիշների փոխանցումը՝ «ձկնորսի մատանին» և պալիհը (խաչերով ասեղնագործված բրդյա ժապավեն):