Լեհաստանում ընթանում են նախագահական հերթական ընտրությունները:
«Արմենպրես»-ի հաղորդմամբ՝ ինչպես հայտնում է PAP գործակալությունը, տեղական ժամանակով առավոտյան ժամը 07։00-ին սկսվել է նախագահական ընտրությունների քվեարկությունը:
Ընտրություններին մասնակցում է 13 թեկնածու:
Ըստ աղբյուրի՝ ընտրելու իրավունք ունի գրեթե 29 միլիոն քաղաքացի: Քվեարկության համար երկրում բացվել է ավելի քան 32 հազար ընտրատեղամաս, ինչպես նաև 511 ընտրատարածք արտերկրում:
Եթե տեղամասային ընտրական հանձնաժողովներից ոչ մեկը չերկարաձգի քվեարկությունը, ապա այն կավարտվի ժամը 21:00-ին: