Ստամբուլում կայանալիք բանակցությունները թուրքական կողմի նախաձեռնությամբ հետաձգվել են մինչև օրվա երկրորդ կեսը։ Այս մասին հայտնել է Ռուսաստանի ԱԳՆ պաշտոնական ներկայացուցիչ Մարիա Զախարովան։
«Ստամբուլում կայանալիք բանակցությունները թուրքական կողմի նախաձեռնությամբ հետաձգվել են մինչև օրվա երկրորդ կեսը», – լրագրողներին հայտնել է Զախարովան։
Ավելի վաղ հաղորդվել էր, որ Ռուսաստանի և Ուկրաինայի պատվիրակությունների միջև ուղիղ բանակցությունները տեղի կունենան Երևանի ժամանակով ժամը 11:00-ին: Ռուսական պատվիրակությունը գլխավորում է Ռուսաստանի Դաշնության նախագահի օգնական Վլադիմիր Մեդինսկին։
Հիշեցնենք նաև, որ Երևանի ժամանակով ժամը 15,00-ին Անկարայում նախատեսվում է Էրդողան- Զելենսկի հանդիպում։