ԱԺ «Հայաստան» խմբակցության պատգամավոր Արմենուհի Կյուրեղյանի ելույթից հետո ելույթով հանդես եկավ իշխող խմբակցության ղեկավար Հայկ Կոնջորյանը: «Ոչ կրթվելը, ոչ նորաձևությունը ձեզ չի սպառնում, հանգիստ եղեք, դուք «Ժիգուլի» եք ու մնալու եք «Ժիգուլի»: Ես ձեր մտածողությունն եմ ներկայացնում»,- ասաց նա: Դահլիճում իրարանցում սկսվեց, լսվում էր Արծվիկ Մինասյանի ձայնը, ով պահանջում էր չվիրավորել: «Դուք տգիտության լաբորատոր նմուշ եք…Դուք դժբախտ մարդ եք, միայն դժբախտ մարդը կարող է թիրախավորել վարչապետի կնոջը»,- շարունակեց Կոնջորյանը: