https://arm.sputniknews.ru/20250512/chinastann-u-amn-n-kdadarecnen-24-tvokvosajin-keti-chapvov-maqsaturqeri-gvortsvoghutjuny-88850117.html
Չինաստանն ու ԱՄՆ-ն կդադարեցնեն 24 տոկոսային կետի չափով մաքսատուրքերի գործողությունը
Չինաստանն ու ԱՄՆ-ն կդադարեցնեն 24 տոկոսային կետի չափով մաքսատուրքերի գործողությունը
Sputnik Արմենիա
Չինաստանը և ԱՄՆ-ն մայիսի 10-11-ը Ժնևում բանակցություններ են անցկացրել առևտրատնտեսական հարցերի շուրջ: 12.05.2025, Sputnik Արմենիա
2025-05-12T12:32+0400
2025-05-12T12:32+0400
2025-05-12T12:32+0400
չինաստան
ամն
մաքսատուրք
առևտուր
https://cdn.am.sputniknews.ru/img/07e5/05/15/27629024_0:36:3055:1754_1920x0_80_0_0_b934f9749360b23bb6352c599baf1314.jpg
ԵՐԵՎԱՆ, 12 մայիսի – Sputnik. Չինաստանն ու ԱՄՆ-ն պայմանավորվել են մայիսի 14-ից փոխադարձաբար դադարեցնել 24 տոկոսային կետի չափով սակագների կիրառումը նախնական 90-օրյա ժամանակահատվածի համար: Այս մասին ասվում է ՉԺՀ-ի և ԱՄՆ-ի համատեղ հայտարարության մեջ։Չինաստանն ու ԱՄՆ-ը մայիսի 10-11-ը Ժնևում բարձր մակարդակի բանակցություններ են անցկացրել առևտրատնտեսական հարցերի շուրջ:Նշվում է, որ ԱՄՆ-ն կչեղարկի ապրիլի 8-ի և 9-ի հրամանագրերի համաձայն սահմանված լրացուցիչ մաքսատուրքերը:Չինաստանը կչեղարկի 2025 թվականին ՉԺՀ Պետական խորհրդին առընթեր տարիֆիկացման և դասակարգման կոմիտեի հրամանագրերով սահմանված լրացուցիչ մաքսատուրքերը։ ՉԺՀ-ն նաև կդադարեցնի կամ կչեղարկի ԱՄՆ-ի դեմ ապրիլի 2-ից ընդունված ոչ սակագնային հակաքայլերը:Հայտարարության մեջ նաև ընդգծվում է, որ «Չինաստանն ու ԱՄՆ-ն առևտրատնտեսական հարաբերությունների շուրջ բանակցությունները շարունակելու մեխանիզմ կստեղծեն»: ՀՀ–ն կարող է օգտվել Թրամփի սահմանած մաքսատուրքերից. փորձագետը հորդորում է արագ գործելԱպրիլի 2-ին Դոնալդ Թրամփը հրամանագիր էր ստորագրել տարբեր երկրներից ապրանքների ներմուծման համար փոխադարձ մաքսատուրքեր սահմանելու մասին: Ավելի ուշ Թրամփը հայտարարել էր, որ ավելի քան 75 պետություններ պատասխան միջոցներ չեն կիրառել և բանակցությունների պատրաստակամություն են հայտնել: Այս կապակցությամբ, բացի Չինաստանից, մյուս երկրների համար կրկին սահմանվել են 10% բազային տուրքեր 90 օրյա ժամկետով։Առևտրային պատերազմի հերթական սրացումից հետո ԱՄՆ-ի և Չինաստանի փոխադարձ սակագները հասել էին 125%-ի։ Բացի այդ, ԱՄՆ-ն չինական ապրանքների նկատմամբ 20 տոկոսի չափով լրացուցիչ տուրք է կիրառել՝ դա բացատրելով սինթետիկ թմրանյութերի շրջանառության դեմ ՉԺՀ-ի ոչ բավարար պայքարով:
չինաստան
ամն
2025
Լուրեր
am_HY
https://cdn.am.sputniknews.ru/img/07e5/05/15/27629024_144:0:2875:2048_1920x0_80_0_0_873ad7b6ca789d554643050803e5d4b9.jpg
չինաստան, ամն, մաքսատուրք, առևտուր
չինաստան, ամն, մաքսատուրք, առևտուր
Չինաստանը և ԱՄՆ-ն մայիսի 10-11-ը Ժնևում բանակցություններ են անցկացրել առևտրատնտեսական հարցերի շուրջ:
ԵՐԵՎԱՆ, 12 մայիսի – Sputnik. Չինաստանն ու ԱՄՆ-ն պայմանավորվել են մայիսի 14-ից փոխադարձաբար դադարեցնել 24 տոկոսային կետի չափով սակագների կիրառումը նախնական 90-օրյա ժամանակահատվածի համար: Այս մասին ասվում է ՉԺՀ-ի և ԱՄՆ-ի համատեղ հայտարարության մեջ։
Չինաստանն ու ԱՄՆ-ը մայիսի 10-11-ը Ժնևում բարձր մակարդակի բանակցություններ են անցկացրել առևտրատնտեսական հարցերի շուրջ:
Չինաստանի կենտրոնական հեռուստատեսության կողմից այսօր տարածված հայտարարության տեքստից հետևում է, որ կողմերը բանակցությունների ընթացքում պայմանավորվել են մայիսի 14-ից դադարեցնել 24-տոկոսանոց սակագնի կիրառումը նախնական 90-օրյա ժամանակահատվածի համար՝ պահպանելով 10-տոկոսանոց սակագինը:
Նշվում է, որ ԱՄՆ-ն կչեղարկի ապրիլի 8-ի և 9-ի հրամանագրերի համաձայն սահմանված լրացուցիչ մաքսատուրքերը:
Չինաստանը կչեղարկի 2025 թվականին ՉԺՀ Պետական խորհրդին առընթեր տարիֆիկացման և դասակարգման կոմիտեի հրամանագրերով սահմանված լրացուցիչ մաքսատուրքերը։ ՉԺՀ-ն նաև կդադարեցնի կամ կչեղարկի ԱՄՆ-ի դեմ ապրիլի 2-ից ընդունված ոչ սակագնային հակաքայլերը:
Հայտարարության մեջ նաև ընդգծվում է, որ «Չինաստանն ու ԱՄՆ-ն առևտրատնտեսական հարաբերությունների շուրջ բանակցությունները շարունակելու մեխանիզմ կստեղծեն»:
Ապրիլի 2-ին Դոնալդ Թրամփը հրամանագիր էր ստորագրել տարբեր երկրներից ապրանքների ներմուծման համար փոխադարձ մաքսատուրքեր սահմանելու մասին: Ավելի ուշ Թրամփը հայտարարել էր, որ ավելի քան 75 պետություններ պատասխան միջոցներ չեն կիրառել և բանակցությունների պատրաստակամություն են հայտնել: Այս կապակցությամբ, բացի Չինաստանից, մյուս երկրների համար կրկին սահմանվել են 10% բազային տուրքեր 90 օրյա ժամկետով։
Առևտրային պատերազմի հերթական սրացումից հետո ԱՄՆ-ի և Չինաստանի փոխադարձ սակագները հասել էին 125%-ի։ Բացի այդ, ԱՄՆ-ն չինական ապրանքների նկատմամբ 20 տոկոսի չափով լրացուցիչ տուրք է կիրառել՝ դա բացատրելով սինթետիկ թմրանյութերի շրջանառության դեմ ՉԺՀ-ի ոչ բավարար պայքարով: