Զելենսկին Թրամփին ասել է, որ Ուկրաինան պատրաստ է Ռուսաստանի հետ ուղիղ բանակցությունների. գրում է Axios-ը։
Պեսկովն ասել է, որ Մոսկվան արդեն առաջարկել է բանակցություններ սկսել առանց նախապայմանների, սակայն Կիևը չի պատասխանել:
Ինչպես հայտնում է Axios-ը՝ վկայակոչելով երկու աղբյուրների, Ուկրաինայի նախագահ Վլադիմիր Զելենսկին այսօր հեռախոսազրույցում իր ամերիկացի գործընկեր Դոնալդ Թրամփին ասել է, որ եթե Ռուսաստանի հետ 30-օրյա հրադադաը համաձայնեցվի, Կիևը պատրաստ է ուղիղ բանակցությունների գնալ Մոսկվայի հետ։
«Թրամփը, թվում էր, գոհ է, որ Ուկրաինան ընդունել է հրադադարը և համաձայնել է ուղիղ բանակցություններ վարել Ռուսաստանի հետ»,- հրատարակությանը հայտնել է աղբյուրներից մեկը,- «Այժմ մենք սպասում ենք, որ Ռուսաստանը գործի»,- հավելել է Axios-ի մեկ այլ աղբյուր։
ՌԴ նախագահի մամուլի քարտուղար Դմիտրի Պեսկովն ասել է, որ «ռուսական կողմը պատրաստ է բանակցություններ սկսել առանց նախապայմանների, Կիևի վարչակարգի արձագանքը դրա վերաբերյալ չի հայտարարվել, ուստի իրավիճակը այս առումով մնում է հակասական»։
Նրա խոսքերը հայտնում է Interfax-ը։
Հետևեք մեզ նաև Տելեգրամում։