Առողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։
Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ վարակներից մահացությունը։
Պատվաստումները բժշկության ամենամեծ նվաճումներից են։ Այն ոչ միայն պաշտպանում է վտանգավոր վարակներից, այլև նպաստում է կոլեկտիվ անձեռնմխելիության ստեղծմանը, ինչը հատկապես կարևոր է նրանց համար, ովքեր չեն կարող պատվաստվել բժշկական պատճառներով։
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունը։
ԱՆ խորհրդատու իմունոլոգիայի գծով Սևան Իրիցյան: