Մատենադարանի ձեռագրագիտության բաժնի գիտաշխատող Հասմիկ Իգիթյանին երկար ժամանակ մի հարց էր տանջում․ արքեպիսկոպոսն ու տասը ձեռագրի, ճառերի ու աղոթքների հեղինակը, արդյո՞ք նույն մարդն է։
Տասնյակ մատյանների համադրումն ու վերլուծությունն, ի վերջո, բերեցին մի համոզման, որ խոսքը նույն մարդու մասին է։
Մինաս արքեպիսկոպոսը, համեստ ու աշխատասեր մարդ էր, որը նույնիսկ մահվանից մեկ տարի առաջ կատարել է սիրելի աշակերտի խնդրանքը՝ արտագրելով ձեռագիրը։
«Բացառիկ մի հնարք է կիրառել Մինասը. նրա ոտանավորի ուղղահայաց և հորիզոնական բոլոր տողերը նույնն են։ Նույնն են նաև անկյունագծի տողերը։ Սա եզակի մի հնարք է, որն ուրիշ ոչ ոքի մոտ չես գտնի», – ասում է ձեռագրագետ Հասմիկ Իգիթյանը։