Սուխումում Աբխազական դրամատիկական թատրոնի դիմացի հրապարակում հանդիսավոր կերպով բացվել է իսկական մանդարիններից պատրաստված հինգ մետրանոց տոնածառը։ Միջոցառումը համընկնում է Մանդարինի փառատոնի հետ, որն առաջին անգամ կանցկացվի հանրապետությունում ամանորյա տոներին։
Մանդարինի փառատոնի տնօրեն Սվետլանա Գաբունիան լրագրողներին հայտնել է, որ ցիտրուսային ծառի վրա ծախսվել է ավելի քան մեկուկես տոննա մանդարին։
«2018 թվականին Մոսկվայի ներդրումային և անշարժ գույքի Est-a-Tet ընկերությունը համաշխարհային ռեկորդ է սահմանել՝ ստեղծելով ամենամեծ մանդարինից տոնածառը։ Նրա բարձրությունը 1,8 մետր էր։ Մեր մանդարինից տոնածառը նրանից ավելի քան երեք մետրոն բարձր է։ Սա նոր համաշխարհային ռեկորդ է»,- ասել է նա։
Տոնածառի ստեղծման վրա աշխատել են մի խումբ մասնագետներ, որոնք պատասխանատու են ծառի մետաղական հիմքի համար և զարդարողներ։
Հունվարի 3-ից 8-ը Աբխազիայում հանրապետության մի քանի շրջաններում կանցկացվի Մանդարինի փառատոնը։ Ծրագիրը ներառում է ցուցահանդեսներ, էքսկուրսիաներ, վարպետության դասեր, համերգներ, համտեսներ և օդապարիկներով զբոսանք։