Բուլղարիայի տեխնիկական կառավարության էներգետիկայի նախարար Վլադիմիր Մալինովը հայտարարել է, որ երկիրը պատրաստ կլինի օգնել Մոլդովային գազի մատակարարման հարցում։
Մալինովի խոսքով՝ Բուլղարիայի իշխանությունները մշտապես կապի մեջ են Մոլդովայի էներգետիկայի նախարարի հետ։
«Մենք պատրաստ ենք աջակցել նրանց՝ ապահովելով ինչպես հեղուկ բնական գազի, այնպես էլ «Բուլգարգազ» ընկերության միջոցով այն պահին, երբ նրանք օգնություն կխնդրեն»,-ասել է Մալինովը՝ պատասխանելով Բուլղարիայի ազգային ռադիոյի համապատասխան հարցին։
Նա հիշեցրել է, որ Սոֆիան և Քիշնևը նախկինում համաձայնություն են ձեռք բերել ճգնաժամի ընթացքում գործողությունների վերաբերյալ։
Դեկտեմբերի վերջին ռուսական «Գազպրոմ» ընկերությունը հայտարարեց, որ հունվարի 1-ին Մոսկվայի ժամանակով 8:00-ից դադարեցնում է գազի մատակարարումը Մոլդովա՝ «Մոլդովագազի» պարտքի պատճառով։