BYD-ի «Denza» պրեմիում ապրանքանիշի N9 ամենագնացը, որը մինչ այժմ հասանելի էր միայն հիբրիդային տարբերակով, ստացել է ամբողջությամբ էլեկտրական տարբերակ։ Չինաստանի կարգավորող փաստաթղթերում արդեն հրապարակվել են դրա հիմնական տեխնիկական տվյալները։
Նոր մոդելը կունենա երեք էլեկտրաշարժիչ՝ 1194 ձիաուժ ընդհանուր հզորությամբ, իսկ առավելագույն արագությունը կկազմի 240 կմ/ժ։ Այն կառաջարկվի հինգ և վեց նստատեղով տարբերակներով։ «Denza N9»-ը կունենա 22 դյույմանոց անիվներ, համայնապատկերային տանիք և տանիքին տեղադրված LiDAR համակարգ։ Մեքենայի մարտկոցի տարողության, մեկ լիցքավորմամբ անցանելի հեռավորության և լիցքավորման արագության տվյալները դեռ չեն հրապարակվել։
