Ռուսաստանի շահերը Ուկրաինայի շուրջ ստեղծված իրավիճակում չեն կարող կապված լինել Միացյալ Նահանգներում իրավիճակի հետ. դրանք կապահովվեն ցանկացած դեպքում՝ կամ ռազմական, կամ խաղաղ ճանապարհով, հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Իհարկե, Ռուսաստանի Դաշնության շահերի ապահովումը Ուկրաինայի հետ կապված հարցերում չի կարող կապված լինել Ամերիկայի Միացյալ Նահանգներում իրավիճակի հետ։ Մեր շահերը կապահովվեն ցանկացած դեպքում», – լրագրողներին ասել է Պեսկովը՝ պատասխանելով ԱՄՆ միջանկյալ ընտրությունների արդյունքների մասին հարցին։
«Ռուսաստանի շահերը կապահովվեն կամ հատուկ ռազմական գործողությունը շարունակելով, կամ խաղաղ ճանապարհով, եթե Կիևում ինչ-որ մեկը քաղաքական կամք ցուցաբերի և քաղաքական պատասխանատվություն ստանձնի», – նշել է նա։
Պեսկովն ընդգծել է, որ Ռուսաստանը բացարձակապես ինքնիշխան պետություն է և նախընտրում է իր շահերը խաղաղ ճանապարհով ապահովել, բայց «մինչ օրս դա հնարավոր չի եղել, այդ պատճառով էլ անցկացվում է հատուկ ռազմական գործողություն»։