ԵՄ ընդլայնման հարցերով հանձնակատար Մարթա Կոսը Ֆեյսբուքի իր էջում գրել է, որ Հայաստանի քաղաքացիներն ավելի են մոտեցել Եվրամիություն առանց վիզայի մեկնելու հնարավորությանը։
«Հայաստանն ընտրում է Եվրոպայի հետ ավելի սերտ կապերի ուղին, և մենք ջանքեր ենք գործադրում, որպեսզի այդ ընտրության արդյունքները զգան Հայաստանի քաղաքացիները»,- գրել է Կոսը՝ ընդգծելով, որ ԵՄ աջակցությամբ Հայաստանում կներդրվեն նոր կենսաչափական անձնագրեր, որոնք կհեշտացնեն սահմանային անցումն ու միջազգային ճանապարհորդությունները։
Նոյեմբերի 1-ից Հայաստանում գործարկվել է կենսաչափական անձնագրերի նոր համակարգը, որը, իշխանության պնդմամբ, համապատասխանում է միջազգային ժամանակակից չափանիշներին։