ԱՄՆ նախագահ Դոնալդ Թրամփը հայտարարել է, թե զգուշացրել է Ֆրանսիայի ղեկավար Էմանուել Մակրոնին, որ միգրացիան կարող է Ֆրանսիայի համար կործանարար հետևանքների հանգեցնել։
«Նա (Մակրոնը – խմբ.) լավ տղա է, իմ ընկերը։ Բայց ես նրան ասացի. «Դու միգրացիայի պատճառով կործանում ես քո երկիրը»», – ասել է նա New York Post-ի փոդքասթում։
Ըստ ամերիկացի առաջնորդի՝ աշխարհի տարբեր ծայրերից մարդիկ գալիս են Ֆրանսիա, որոնցից ոմանք ատում են այդ երկիրը, դրա բնակիչներին և մշակութային ժառանգությունը։
Թրամփը նշել է, որ նման իրավիճակ դիտվում է ոչ միայն Ֆրանսիայում, այլև եվրոպական այլ երկրներում։ Միաժամանակ, ԱՄՆ նախագահը հայտարարել է, որ Միացյալ Նահանգներում նման դեպքեր տեղի չեն ունենում, քանի որ իր վարչակազմը թույլ չի տա, որ նման իրավիճակ ստեղծվի։