ԱՄՆ նախագահ Դոնալդ Թրամփը ներկայումս մտադիր չէ վերսկսել ռազմական գործողությունները Իրանի դեմ նոյեմբերի 3-ին կայանալիք Կոնգրեսի միջանկյալ ընտրություններից անմիջապես հետո, հայտնում է Axios ամերիկյան լրատվական կայքը։
Իր աղբյուրների համաձայն՝ ԱՄՆ նախագահը և Իսրայելի վարչապետ Բենիամին Նեթանյահուն հեռախոսազրույց են ունեցել հոկտեմբերի 31-ին։ Նրանք քննարկել են «ԱՄՆ-Իրան բանակցությունների ընթացքը, ինչպես նաև ռազմական գործողություններին վերադառնալու արագությունը»։
Ըստ պորտալի՝ «Նեթանյահուն ճնշում է գործադրում Թրամփի վրա՝ երեքշաբթի օրը կայանալիք միջանկյալ ընտրություններից անմիջապես հետո հարվածելու Իրանին, սակայն Թրամփը ցանկանում է առայժմ առաջնահերթություն տալ բանակցություններին, ինչը մտահոգում է Նեթանյահուին», – պարզաբանում է հրատարակությունը։ Իսրայելցի աղբյուրը զրույցն անվանել է «կոշտ», մինչդեռ ամերիկացի պաշտոնյան այն անվանել է «անկեղծ»։
Հոկտեմբերի 31-ին Թրամփը հայտարարեց, որ Թեհրանի հետ բանակցությունները լավ են ընթանում, սակայն կասկածներ հայտնեց Իրանի վստահելիության վերաբերյալ: Նա նաև հրաժարվեց վերջնականապես պատասխանել այն հարցին, թե արդյոք նախատեսում է հաջորդ շաբաթ վերսկսել ռազմական գործողությունները Իսլամական Հանրապետության դեմ: