Միացյալ Նահանգները կողմ է Ուկրաինայով անցնող խողովակաշարերով Եվրոպա ռուսական գազի մատակարարումների արագ վերականգնմանը: Այս պնդումը հրապարակել է The Wall Street Journal-ը (WSJ)՝ հղում անելով ԱՄՆ, Եվրոպայի և Ուկրաինայի պաշտոնյաներին:
Ըստ թերթի՝ գաղափարը առաջ են քաշել ԱՄՆ նախագահի դեսպան Սթիվ Ուիթքոֆը և ԱՄՆ նախագահի փեսան՝ Ջարեդ Քուշները, սեպտեմբերին Մոսկվա և Կիև կատարած այցերի ժամանակ և նախատեսվում է ռուսական գազի վաճառք ամերիկյան միջնորդի միջոցով՝ եվրոպական պատժամիջոցները շրջանցելու համար։
Ըստ WSJ-ի՝ Վաշինգտոնը նաև փորձել է այս գաղափարը ներկայացնել եվրոպացի առաջնորդներին՝ որպես ձմռանից առաջ Եվրոպայում գազի պաշարների ռեկորդային ցածր մակարդակի պայմաններում ածխաջրածնի գները իջեցնելու միջոց։
Միևնույն ժամանակ, գրում է թերթը, Սպիտակ տունը առաջարկել է այս առաջարկի շրջանակներում ռուսական գազի վաճառքից ստացված գումարը պահել երրորդ կողմի իրավասության ներքո գտնվող հաշվին։