Բեռլինում ձախ արմատականների ցույցը վերածվել է անկարգությունների

Բեռլինում ձախակողմյան խմբավորումների ներկայացուցիչների մասնակցությամբ ցույցը վերածվել է անկարգությունների։ Ցուցարարները ոստիկանների ուղղությամբ պիրոտեխնիկա և շշեր են նետել։ Այս մասին հաղորդում է ՏԱՍՍ-ը։

Ոստիկանությունը ժամանակավորապես դադարեցրել է ցուցարարների երթը։ Տեղում պատրաստ վիճակում են ջրցան մեքենաները։ Ավելի ուշ ցուցարարները շարունակել են երթը։

Նրանք հավաքվել էին քաղաքի կենտրոնում՝ Ռոզենտալեր հրապարակում, և շարժվել դեպի Պրենցլաուեր Բերգ թաղամաս՝ պարբերաբար վանկարկելով «Բեռլինն ատում է ոստիկանությանը»։ Ցուցարարները նաև իրենց աջակցությունն են հայտնում Պաղեստինին։

Գերմանիայի մայրաքաղաքի իրավապահները նախապես չէին բացառել, որ ցույցը կարող է վերածվել անկարգությունների։

 

Leave a Comment