Ռուսաստանի արտաքին գործերի նախարար Սերգեյ Լավրովը չի կարողացել ցույց տալ Մոսկվայի պատրաստակամությունը Ուկրաինայի հարցով խաղաղ բանակցությունների համար, Ատլանտայում կայացած G20-ի հանդիպման ժամանակ հայտարարել է ԵՄ արտաքին գործերի և անվտանգության քաղաքականության հարցերով գերագույն ներկայացուցիչ Կայա Կալասը։
«Նույնիսկ եթե նրանք (ռուսական կառավարության պաշտոնյաները — խմբ.) այլ բան են ասել, նրանց գործողություններն այլ բանի մասին են վկայում», — ասել է Կալասը։
Նա ընդգծել է, որ Ռուսաստանը պետք է գործով ապացուցի բանակցությունների պատրաստակամությունը, այլ ոչ թե սահմանափակվի հայտարարություններով։
Ռուսաստանը պետք է «գործնականում ցույց տա, որ պատրաստ է բանակցությունների», — ասել է նա՝ նշելով, որ հուլիսը, օգոստոսը և սեպտեմբերը Ուկրաինայում քաղաքացիական բնակչության համար ամենամահացու ամիսներն էին։
«Իհարկե, նա (Լավրովը — խմբ.) շատ ստեր ասաց, շատ աղավաղված փաստեր, որոնք մենք հետագայում կարողացանք հերքել», — հավելել է Կալասը։ Քաղաքական գործիչը նաև կոչ է արել ուժեղացնել ճնշումը Մոսկվայի վրա։