
ԱՄՆ Պետդեպարտամենտը հավանություն է տվել Ուկրաինային 500 հատ PAC-3 տեսակի «Patriot» հակաօդային պաշտպանության հրթիռ վաճառելու հնարավոր գործարքին։ Դրա արժեքը գնահատվում է 2,1 միլիարդ դոլար։
BBC-ի փոխանցմամբ՝ գործարքն ամբողջությամբ ֆինանսավորվելու է Ուկրաինայի եվրոպացի դաշնակիցների և Կանադայի միջոցներով։ ԱՄՆ-ի ներկայացմամբ՝ վաճառքը կնպաստի Ուկրաինայի պաշտպանունակության ամրապնդմանը և Եվրոպայում անվտանգության ապահովմանը։
«Patriot» համակարգերի PAC-3 հրթիռները նախատեսված են, մասնավորապես, բալիստիկ հրթիռների որսման համար և համարվում են ռուսական բալիստիկ հարվածներից պաշտպանվելու արդյունավետ միջոցներից մեկը։