Վենեսուելայի ընդդիմության առաջնորդ Մարիա Կորինա Մաչադոն հայտարարել է, որ իրենց երկիրը տարածաշրջանի կայունության աղբյուր և դաշնակիցների համար ներդրումների լավագույն ուղղությունը կդառնա։
«Մենք ԱՄՆ-ում մեծ դաշնակից կունենանք, քանի որ այն այստեղ իր ներդրումների անվտանգությունն ապահովելու հնարավորություն կգտնի, բայց ամենակարևորը՝ կունենա հուսալի երկարաժամկետ դաշնակից, որը հավատում է ազատությանն ու ժողովրդավարությանը»,– ասել է Մաչադոն։
Մաչադոն նաև ասել է, որ լավ հարաբերություններ ունի Լատինական Ամերիկայի մի շարք երկրների ղեկավարների հետ։
«Ես գերազանց հարաբերություններ ունեմ ոչ միայն Կոլումբիայի նախագահի, այլև Էկվադորի, Պարագվայի, Չիլիի, Արգենտինայի, Բոլիվիայի, Գվատեմալայի, Դոմինիկյան Հանրապետության և Պանամայի նախագահների հետ։
Վերջին օրերին ես երբեք չեմ խոսել նախագահ Լուլայի հետ։ Երբեք։
Եվ կարծում եմ՝ դա իմ կողմից հետաքրքրության բացակայության պատճառով չէ»,– հայտարարել է Մաչադոն։