ԲԴԽ-ն Սոնա Խաչատրյանին հանել է դատավորների թեկնածուների ցուցակից

Iravaban.net-ը ուսումնասիրել է Բարձրագույն դատական խորհրդի թիվ ԲԴԽ-97-Ո-105 որոշումը, որով Սոնա Խաչատրյանը հանվել է դատավորների թեկնածուների ցուցակի վարչական մասնագիտացման բաժնից։

Որոշման հիմքերը և բովանդակությունը

Բարձրագույն դատական խորհուրդը որոշումը կայացրել է՝ քննարկելով դատավորների թեկնածուների ցուցակի վարչական մասնագիտացման բաժնից անձին հանելու հարցը, հիմք ընդունելով Բարձրագույն դատական խորհրդի 2026 թվականի հոկտեմբերի 26-ի թիվ ԲԴԽ-96-Ո-104 որոշումը։

Որոշումը կայացվել է՝ ղեկավարվելով «Հայաստանի Հանրապետության դատական օրենսգիրք» սահմանադրական օրենքի 94-րդ հոդվածի 1-ին մասով, 113-րդ հոդվածի 2-րդ մասի 11-րդ կետով և 5-րդ մասով, ինչպես նաև 115-րդ հոդվածի 4-րդ մասով։

Բարձրագույն դատական խորհուրդը որոշել է Սոնա Խաչատրյանին հանել դատավորների թեկնածուների ցուցակի վարչական մասնագիտացման բաժնից։

Որոշման ուժի մեջ մտնելը

Սույն որոշումն ուժի մեջ է մտնում հրապարակմանը հաջորդող օրվանից: