
Ստեփանավանում այսօր ընտրակաշառքի գործով ձերբակալվել է ևս 10 անձ: «Ուժեղ Հայաստան» կուսակցության Ստեփանավանի նախընտրական շտաբից «Ազատության»-ը հայտնեցին, որ նրանք ևս իրենց աջակիցներն են:
Երկու օր առաջ ձերբակալվել, ապա կալանավորվել էին կուսակցության համայնքի ղեկավարի թեկնածու Արսեն Գևորգյանն ու նրա ևս 13 աջակիցներ: Նրանք մեղադրվում են խմբի կազմում ընտրակաշառք տալու, դրան օժանդակելու, ինչպես նաև ընտրակաշառք ստանալու համար: