«Էն. Պի. Էյ.»-ի 81-րդ տարեշրջանը սկսաւ 2 օր առաջ, եւ երէկ առաւօտեան ժամերուն Մինեսոթա Թիմպըրվուլվզի աստղ Անթոնի «Էնթ» Էտուըրտծ միացաւ պատմութեան լաւագոյն մարզիկներ Ուիլթ Չեմպըրլէյնին եւ Մայքըլ Ճորտընին, որոնք իրենց տարեշրջանի բացման մրցումին 40-է աւելի կէտեր կը նշանակէին:
Էտուըրտծ առաջին 9 յաջող 3 կէտնոց կողովներ նշանակեց` Մայեմի Հիթի ամբողջ խումբէն աւելի (8 յաջող 3 կէտնոց կողովներ)` ընդհանուր հաշուով 45 կէտեր նշանակելով 33 վայրկեաններու ընթացքին եւ օգնելով Թիմպըրվուլվզին, որ յաղթէ 131-106 արդիւնքով, Մայեմիի դաշտին վրայ:
Չեմպըրլէյն 1959-էն 1962 4 յաջորդական տարիներ 40 կէտերէ աւելի նշանակած էր իր առաջին մրցումին, մինչ Ճորտըն 1986-ին, 1989-ին եւ 1995-ին նոյն բանը կատարած էր տարեշրջանի բացման մրցումին:
Ուաշինկթըն Ուիզըրտծ 128-116 արդիւնքով պարտութեան մատնեց Միլուոքի Պաքսը, ուր մասնաւորապէս Անթոնի Տէյվիս իր նոր խումբին` Ուիզըրտծի հետ 34 կէտ եւ 12 ռիպաունտ ձեռք ձգեց:
10 անգամ «Օլ Սթար»-ի աստղ Տէյվիս Տալաս Մեւրիքսը լքած էր բաւական ձախող տարեշրջանէ մը ետք եւ միացած Ուաշինկթընին, Թրէյ Եանկի նման, որ լքելով Աթլանթա Հոքսը իր առաջին ելոյթը կատարեց Ուաշինկթընի հետ:
Եանկ 20 կէտ եւ 13 էսիսթ ձեռք ձգեց:
Ստորեւ` արդիւնքները.
| ԿԷՏ | |
| Օրալնտօ Մեճիք – Աթլանթա Հոքս | 125-132 |
| Ուաշինկթըն Ուիզըրտծ – Միլուոքի Պաքս | 128-116 |
| Պրուքլին Նեթց – Չարլոթ Հորնեթց | 103-110 |
| Մայեմի Հիթ – Մինեսոթա Թիմպըրվուլվզ | 106-131 |
| Թորոնթօ Ռեփթըրզ – Շիքակօ Պուլզ | 135-92 |
| Մեմֆիս Կրիզլիզ – Եութա Ճեզ | 123-103 |
| Նիւ Օրլինզ Փելիքընզ – Ինտիանա Փէյսըրզ | 120-123 |
| Հիւսթըն Ռոքեթց – Տալաս Մեւրիքս | 128-110 |
| Լոս Անճելըս Լէյքըրզ – Կոլտըն Սթէյթ Ուորիըրզ | 127-105 |
| Փորթլենտ Թրէյլ Պլէյզըրզ – Ֆինիքս Սանզ | 124-83 |
| Լոս Անճելըս Քլիփըրզ – Սաքրամենթօ Քինկզ | 121-96 |