Բռնցքամարտ. Խաչիկ Բաբայեան Մետալ Մը Եւս Ապահովեց Ի Նպաստ Հայաստանի

Տրապիզոնի (Թուրքիա) մէջ շարունակուեցան բռնցքամարտի կրտսեր պատանիներու (15 տարեկանէն վար) Եւրոպայի ախոյեանութեան մրցումները:

Հայաստանի հաւաքականը մետալ մը եւս ապահովեց, երբ 63 քկ կշիռի քառորդ աւարտականին Խաչիկ Բաբայեան 5-0 արդիւնքով յաղթեց ուքրանացի Տերնովի Ռոսթիսլաւին:

Բայց պէտք է ըսել, որ հաւաքականի միւս անդամները բոլորն ալ պարտութիւններ կրեցին իրենց ելոյթներուն եւ դուրս մնացին մետալներու մրցումներէն:

Գէորգ Մանուկեան (57 քկ) 5-0 արդիւնքով պարտուեցաւ Իկոր Ժերոխինէն (Ռուսիա), Էրիք Աֆրիկեան (46 քկ) 4-1 արդիւնքով` սկովտիացի Քամերոն Ֆերըլէն, Վանեսա Գէորգեան (44 քկ) ռուս Տիանա Զիաթքոյէն (5-0), Տիգրան Պաշրատեան (42 քկ)` յոյն Քութանթինոս Չասամփալիսէն (3-2) եւ Ռոպերթ Կարապետեան (50 քկ)` թուրք Իպրահիմ Միւչիւքէն (5-0):