«Ագարակ» և «Մայրաքաղաք Դվին» պատմամշակութային արգելոցներում տեղի են ունեցել միջոցառումներ՝ նվիրված Ոչ նյութական մշակութային ժառանգության միջազգային օրվան։
«Հայոց գինին և հողի հիշողությունը» խորագրով միջոցառումը կայացել է «Ագարակ» պատմամշակութային արգելոցում։ Տարածքում շրջայցի ընթացքում մասնակիցները ծանոթացել են հայոց գինեգործության պատմությանը և ոչ նյութական մշակութային ժառանգության տարրերին։
Հնագույն բնակավայրից՝ միջնադարյան մայրաքաղաք. «Պարը, որպես ոչ նյութական մշակութային ժառանգություն» խորագրով միջոցառումը կայացել է «Մայրաքաղաք Դվին» պատմամշակութային արգելոցում, որտեղ տարածքում շրջայցից հետո մասնակիցները ներկայացրել են ոչ նյութական մշակութային արժեքների ցանկում ընդգրկված հայկական ավանդական պարերը։