Ինչպես հայտնում է ֆոտոլրագրող Գագիկ Շամշյանը, հիվանդանոց է մեկնել Երևանի քաղաքի քրեական վարչության օպերատիվ խումբը, որտեղ պարզվել է, որ վիրավորը 34-ամյա Հրանտ Կ․-ն է։
Գ․ Շամշյանի տեղեկություններով՝ քրեական ոստիկանների կողմից ձեռնարկված միջոցառումների արդյունքում պարզվել է, որ Սարի թաղի տներից մեկում կենցաղային հարցերի շուրջ ծագած վիճաբանության ժամանակ վիրավորին դանակով հարվածել և ծանր մարմնական վնասվածք է պատճառել նրա զուգընկերուհին՝ Երևանի բնակիչ 20-ամյա Շուշան Ֆ․-ն։
Նույն օրը Շուշան Ֆ․-ն ծանր մարմնական վնասվածք պատճառելու հիմնավոր կասկածի առկայության հիմքով հայտնաբերվել, ձերբակալվել և տեղափոխվել է Երևան քաղաքի վարչություն, որտեղից կազմված փաստաթղթերի հետ միասին ներկայացվել է ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանի քննչական 3-րդ բաժին։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: