ՀՀ ներքին գործերի նախարարությունը (ՆԳՆ) զգուշացրել է, որ հոկտեմբերի 18-ին «Երևան Մարաթոն» միջազգային վազքի անցկացման համար Երևանի մի շարք փողոցներում ժամանակավորապես կսահմանափակվի երթևեկությունը։ Սահմանափակումները կսկսվեն ժամը 6:00-ից։ Առանձին հատվածներում դրանք կպահպանվեն մինչև 14:30-ը, իսկ Զաքյան փողոցում՝ մինչև 21:00-ն։
Փողոցները կբացվեն փուլ առ փուլ՝ հրապարակված ժամանակացույցով։ Վարորդներին խորհուրդ է տրվում նախապես պլանավորել երթուղին և օգտվել այլընտրանքային ճանապարհներից։
Սահմանափակումները սկսվել են հոկտեմբերի 17-ին։ Ժամը 7:00-ից մինչև 13:00-ն երթևեկությունը սահմանափակվել էր Հրազդանի կիրճի 5 կմ հատվածում՝ «Ֆլորենս» ռեստորանային համալիրի հարակից տարածքից։
Մարաթոնի օրը երթևեկությունը կսահմանափակվի հետևյալ հատվածներում։
Մինչև 8:40
— Խորենացու փողոց
— Զաքյանից մինչև Իտալիայի փողոց
— Բեյրութի, Իտալիայի և Վազգեն Սարգսյանի փողոցներ — ամբողջությամբ
— Տիգրան Մեծի պողոտա — Հանրապետության հրապարակի շրջանաձև հանգույցից մինչև Մելիք-Ադամյանի փողոց
— Հանրապետության հրապարակի շրջանաձև հանգույց — ամբողջությամբ
Մինչև 9:15
— Թումանյանի փողոց և Սայաթ-Նովայի պողոտա — Նալբանդյանից մինչև Խանջյանի փողոց
— Հանրապետության փողոց — Խանջյանից մինչև Վարդանանց փողոց
Մինչև 9:45
— Նալբանդյանի փողոց — Հանրապետության հրապարակի շրջանաձև հանգույցից մինչև Կորյունի փողոց և Սայաթ-Նովայի պողոտա
— Վարդանանց փողոց — Հանրապետությունից մինչև Ալեք Մանուկյանի փողոց
— Ալեք Մանուկյանի և Իսահակյանի փողոցներ — ամբողջությամբ
Մինչև 10:00
— Թամանյանի փողոց — ամբողջությամբ
— Մոսկովյան փողոց — Մաշտոցի պողոտայից մինչև Սարյանի փողոց
Մինչև 10:10
— Սարյանի փողոց — Մոսկովյանից մինչև Լեոյի փողոց
Մինչև 10:20
— Լեոյի փողոց — ամբողջությամբ
— Պարոնյանի փողոց — Մաշտոցի պողոտայից մինչև Հնդկաստանի փողոց
Մինչև 10:30
— Հնդկաստանի և Ձորափի փողոցներ — ամբողջությամբ
Մինչև 14:00
— Գրիգոր Լուսավորչի փողոց — Մաշտոցի պողոտայից մինչև Իտալիայի փողոց
Մինչև 14:30
— Հրազդանի կիրճ և Նիկիտա Սիմոնյանի փողոց — ամբողջությամբ
Ժամը 7:00-ից մինչև 14:30-ը
— Հաղթանակի կամուրջ — մասնակիորեն
— Արգիշտիի փողոց — ամբողջությամբ
— Մաշտոցի պողոտա — Հաղթանակի կամրջից մինչև Գրիգոր Լուսավորչի փողոց
Մինչև 21:00
— Զաքյան փողոց — Խորենացուց մինչև Գրիգոր Լուսավորչի փողոց
«Երևան Մարաթոնն» անցկացվում է 2015 թվականից։ Առաջին երեք տարիներին այն կիսամարաթոն էր, իսկ 2018 թվականից ծրագրում ներառվել է նաև մարաթոնյան ամբողջական տարածությունը։ Երևանի քաղաքապետարանի տվյալներով՝ դա Հայաստանում անցկացված առաջին լիարժեք մարաթոնն էր։ Կիսամարաթոնի մրցուղին հավաստագրել է Մարաթոնների և հեռավոր վազքերի միջազգային ասոցիացիան (AIMS)։ Այս տարի վազքն անցկացվում է երկու օր։ Հոկտեմբերի 17-ին անցկացվել են երեխաների 1 կմ և 5 կմ վազքերը, իսկ հոկտեմբերի 18-ին մասնակիցները կվազեն 12 կմ, կիսամարաթոնի և մարաթոնի տարածությունները։
