Ալպ-Մարիտիմ նահանգի Նիս քաղաքում չարտոնված բողոքի ակցիայի ագրեսիվ մասնակիցները հարձակվում են խանութների և իրավապահ մարմինների աշխատակիցների վրա, հայտնում է Ալպեր-Մարիտիմ նահանգը։
«Չգրանցված բողոքի ակցիա Նիսի կենտրոնում։ Դիմակավորված սևազգեստ մարդկանց խմբերը, որոնք ակտիվորեն շարժվում են Մադեսին պողոտայի և երկաթուղային կայարանի տարածքում, հարձակվում են խանութների և իրավապահ մարմինների աշխատակիցների վրա», – ասվում է նահանգապետարանի կողմից X սոցիալական ցանցում տեղադրված հայտարարության մեջ։
BFMTV-ի տվյալներով՝ բողոքի ակցիան սկզբում խաղաղ է եղել, սակայն հետագայում բախումներ են տեղի ունեցել ցուցարարների և ոստիկանության միջև։
Շաբաթ օրը Ֆրանսիայում սկսվել են լայնածավալ բողոքի ցույցեր, որոնք, ի թիվս այլ բաների, ուղղված են գների աճի և կառավարության տնտեսական քաղաքականության դեմ։