Էստոնիան ևս տասը միլիոն եվրո կհատկացնի Ուկրաինային զենք գնելու համար

Էստոնիայի իշխանությունները պատրաստվում են լրացուցիչ 10 մլն եվրո հատկացնել Ուկրաինային PURL ծրագրով ամերիկյան զենք գնելու համար, հայտնում է ERR հեռուստառադիոընկերությունը՝ վկայակոչելով հանրապետության վարչապետ Քրիստեն Միխալին։

PURL (Prioritised Ukraine Requirements List) ծրագիրը մեկնարկել է ՆԱՏՕ-ի կողմից 2025 թվականի ամռանը: Այս սխեմայով եվրոպական երկրները և Կանադան վճարում են Ուկրաինային ամերիկյան զենք մատակարարելու համար:

Ըստ հեռուստառադիոընկերության՝ Էստոնիայի վարչապետ Քրիստեն Միխալը Վլադիմիր Զելենսկիին վստահեցրել է Եվրամիության կողմից շարունակական աջակցությունը։