«Հավերժ կալանք, նույնիսկ ամենաավտորիտար՝ Ստալինի օրոք հավերժ կալանք չի եղել, Հիտլերի օրոք էլ չի եղել, Մուսոլինիի օրոք էլ չի եղել։
Այսինքն՝ կալանքի ինչ-որ մի փուլում գտնվում է մի դատավոր, մի դատախազ, մի քննիչ, ով որ հասկանում է։ Բայց դա էն պարագայում, երբ որ կալանավորվածը ու իր քաղաքական թիմը չի դադարում պայքարը, գտնում է մեկը, ով որ հասկանում է՝ բավ է, վերջ։ Այսինքն՝ ապօրինությունն էլ սահման ունի։
Ես չեմ ուզում մտածել, որ դատական, դատախազական համակարգում չի լինելու էդ մի անձը, ով հասկանալու է՝ ինչով է զբաղվում։
Բայց էլի եմ ասում՝ եթե բոլորը նույնիսկ վերածվեն Աննա Վարդապետյանների ու Ծովակ Մնացականյանների, միևնույնն է, պայքարի արդյունքում ցանկացած կալանավորում ստանում է ազատության տեսք։
Չկա «հավերժ կալանք» հասկացություն, ու սա կատարողները՝ հենց այդ անուն-ազգանունները, իրենք պետք է հասկանան։ Ինչպես չկա հավերժ կալանք հասկացություն, իրենց պարագայում չկա հավերժ անպատասխանատվություն հասկացություն»,- այս մասին այսօր՝ հոկտեմբերի 14-ին, կայացած ասուլիսի ժամանակ հայտարարեց ՀՀ երկրորդ նախագահ Ռոբերտ Քոչարյանի գրասենյակի ղեկավար Բագրատ Միկոյանը։
Մանրամասն՝ տեսանյութում։