ՆԱՏՕ-ի գլխավոր քարտուղար Մարկ Ռուտտեն Էստոնիայի վարչապետի հետ համատեղ մամուլի ասուլիսում հայտարարել է, որ դաշինքը ներկայումս Ռուսաստանից անդամ երկրների համար անմիջական սպառնալիք չի տեսնում։
Ռուսաստանը բազմիցս հայտարարել է, որ մտադիր չէ հարձակվել որևէ մեկի վրա, սակայն ուշադրություն է հրավիրել ՆԱՏՕ-ի ակտիվության և իր սահմանների մոտ ռազմական ներկայության կուտակման վրա։
«Մենք չենք կարծում, որ Ռուսաստանը քննարկում է ՆԱՏՕ-ի որևէ երկրի վրա հարձակումը։ Եվ մենք չենք տեսնում անմիջական սպառնալիք դաշինքի տարածքի համար», – ասել է Ռյուտեն՝ պատասխանելով լրագրողի՝ Ռուսաստանի հետ հնարավոր ռազմական բախման մասին հարցին։
Միևնույն ժամանակ, գլխավոր քարտուղարը ընդգծել է, որ ՆԱՏՕ-ն պատրաստ է արձագանքել, եթե հարձակման նշաններ հայտնաբերվեն։
«Եթե մենք տեսնենք ուժերի կենտրոնացում, մենք կպատասխանենք», – ասել է նա։
Ռուտտեն նաև վստահեցրել է, որ դաշինքն ունի անհրաժեշտ պաշտպանական ծրագրեր և մտադիր է պաշտպանել իր անդամ պետությունների ամբողջ տարածքը։ Նա կրկնել է, որ ՆԱՏՕ-ն պաշտպանական դաշինք է և չի մտադրվում հարձակվել այլ պետությունների վրա։
«Մենք երբեք չենք հարձակվի որևէ մեկի վրա, քանի որ դա մեր շահերից չի բխում։ Մենք պաշտպանական դաշինք ենք», – հայտարարել է Ռուտտեն։
Չնայած անմիջական սպառնալիքի բացակայությանը, վերջին տարիներին ՆԱՏՕ-ն զգալիորեն մեծացրել է իր ռազմական ներկայությունը Ռուսաստանի սահմանների մոտ: Ըստ դաշինքի՝ մինչև 2026 թվականը նրա արևելյան թևում գտնվող բազմազգ մարտական խմբավորումների թիվը չորսից աճել է մինչև ինը, այդ թվում՝ Ֆինլանդիայում նոր խմբավորման ձևավորմամբ։