Կահիրեն մտադիր է Սաուդյան Արաբիային աջակցություն ցուցաբերել հութիների դեմ պայքարում, եթե Էր-Ռիադը խնդրի դա, երեքշաբթի օրը հայտարարել է Եգիպտոսի արտգործնախարար Բադր Աբդել Աթին։
«Ինչ էլ որ Թագավորությունը խնդրի մեզանից, մենք անպայման կարձագանքենք։ Մենք նրան կտրամադրենք ցանկացած տեսակի անվերապահ աջակցություն», – ասել է նա Bloomberg-ին տված հարցազրույցում։
Նա հավելել է, որ Եգիպտոսը նաև սերտ կապեր է պահպանում Պակիստանի և Թուրքիայի հետ, որոնք Սաուդյան Արաբիայի հետ մեկտեղ ստորագրել են Մեքքայի պաշտպանության համաձայնագիրը։ Արտաքին գործերի նախարարը նշել է, որ «Կահիրեն լրջորեն քննարկում է» այս համաձայնագրին միանալու հնարավորությունը։
Օգոստոսին Սաուդյան Արաբիան, Թուրքիան և Պակիստանը ստորագրեցին պաշտպանական համագործակցության համաձայնագիր։ Այն նախատեսում է համատեղ արձագանք պայմանագրի անդամ երկրներից մեկի վրա հարձակման դեպքում։