Պանամային առնվազն 61 միլիոն դոլար կպահանջվի անցյալ ուրբաթ հզոր երկրաշարժի հետևանքով վնասված բժշկական հաստատությունները վերականգնելու համար, երեքշաբթի օրը հաղորդել է EFE-ն։
«Մեր երկրում ունենք 842 հիվանդանոց, որոնցից 67-ը վնասվել են։ Դրանց վերականգնման համար կպահանջվի մոտավորապես 61 միլիոն դոլար», – մեջբերել է գործակալությունը Պանամայի առողջապահության նախարար Ֆերնանդո Բոյդ Գալինդոյի խոսքերը։
Վերականգնողական աշխատանքներ պետք է իրականացվեն նաև մոտավորապես 1300 տներում։
Թարմացված զեկույցի համաձայն՝ երկրաշարժը վնասել է ավելի քան 2000 կառույց, այդ թվում՝ ավելի քան 1280 տուն, 656 դպրոց, ավելի քան 60 վարչական շենք, 44 եկեղեցի, 24 բժշկական կենտրոն, 11 հյուրանոց, ինչպես նաև մայրուղիներ և կամուրջներ ամբողջ երկրում։
Նյութական վնասի ամբողջական չափը դեռևս չի գնահատվել, սակայն իշխանությունները երկրում արդեն հայտարարել են արտակարգ դրություն՝ միջադեպի հետևանքները վերացնելու համար։