Ֆրանսիայի ռազմածովային ուժերը Հնդկական օվկիանոսում՝ Ռեյունիոն կղզու ափերի մոտ, ձերբակալել են DF Peak լցանավը՝ դրոշի անհամապատասխանության կասկածանքով։ Այս մասին հայտնել է Ֆրանսիայի նախագահ Էմանուել Մակրոնը։
«Այսօր առավոտյան, Ռեյունիոն կղզուց ավելի քան 450 ծովային մղոն դեպի հարավ, մեր ռազմածովային ուժերը կալանել են DF Peak նավթատար լցանավը, որը, ենթադրաբար, կեղծ դրոշի ներքո էր նավարկում»,- գրել է նա X սոցիալական ցանցում։
Ֆրանսիայի նախագահը նշել է, որ այս քայլը ձեռնարկվել է այսպես կոչված ստվերային նավատորմի դեմ պայքարի շրջանակում։ Նրա խոսքով՝ գործողությունն իրականացվել է միջազգային իրավունքի համաձայն և վկայում է Փարիզի՝ իր գնահատմամբ, անօրինական առևտրի բոլոր տեսակների դեմ պայքարելու վճռականության մասին։