Պաշտոնից ազատվել է Հատուկ բանակային կորպուսի հրամանատարի տեղեկալ Արծվիկ Գրիգորյանը։ ՀՀ նախագահ Վահագն Խաչատուրյանի համապատասխան հրամանագրը հրապարակվել է ՀՀ նախագահի կայքում։
«Հիմք ընդունելով վարչապետի առաջարկությունը` Արծվիկ Գրիգորյանին ազատել Հատուկ բանակային կորպուսի հրամանատարի տեղակալի պաշտոնից»,– ասված է փաստաթղթում:
Գնդապետ Արծվիկ Գրիգորյանը Հատուկ բանակային կորպուսի հրամանատարի տեղակալ էր նշանակվել էր 2025 թվականի հոկտեմբերի 22-ին:
Չի բացառվում, որ այս պաշտոնանկությունը կապված է Շաքիի դեպքի հետ։
Հիշեցնենք` հոկտեմբերի 1-ին հայտնի դարձավ, որ Սյունիքի մարզի Սիսիան համայնքի Շաքի բնակավայր ադրբեջանցի զինծառայող է ներթափանցել, գիշերել տներից մեկում, ապա կրակել տուն մտած 39-ամյա Անի Ավետիսյանի ոտքին։ Վիրավոր կինը հասցրել է դանակով հարվածել ադրբեջանցուն՝ Նասիմի Մուսաևին։ Վնասվածքներ է ստացել նաև Ավետիսյանի երեք երեխաներից 15-ամյա որդին, որը տեղափոխվել է Սիսիանի ԲԿ։ Անի Ավետիսյանն այժմ Երևանի «Սուրբ Գրիգոր Լուսավորիչ» ԲԿ–ում է։
Մուսաևի նկատմամբ քրեական հետապնդում է հարուցվել 5 հոդվածի հատկանիշներով, և երկամսյա կալանք է կիրառվել։
Կարդացել են
0 անգամ