Հայաստանում Եվրոպական միության պատվիրակությունը շնորհավորել է Թարգմանչաց տոնի առթիվ։
ԵՄ պատվիրակության տարածած հաղորդագրության մեջ ասվում է․ «Հոկտեմբերի 10-ին Հայաստանը նշում է Թարգմանչաց տոնը՝ մեծարելով Սուրբ Մեսրոպ Մաշտոցին, որի ստեղծած հայոց այբուբենը հիմք է դրել հարուստ գրական ավանդույթի ձևավորմանը և դարեր շարունակ նպաստել հայոց լեզվի, ինքնության ու մշակութային ժառանգության պահպանմանը։
Թարգմանությունը կամուրջներ է կառուցում մշակույթների միջև, միավորում մարդկանց և երկխոսության հնարավորություն ստեղծում տարբեր հայացքների ու գաղափարների միջև։
Եվրոպական միությունը կարևորում է լեզվական բազմազանությունը՝ որպես մշակութային հարստության աղբյուր և փոխըմբռնման, համագործակցության ու համատեղ առաջընթացի հիմք։
Շնորհավո՛ր Թարգմանչաց տոնը։»