Ռուսաստանի նախագահ Վլադիմիր Պուտինը, Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը փակ հանդիպում են ունեցել Թուրքմենստանում կայացած Կասպիական գագաթնաժողովից հետո, այս մասին տեղեկացել է «Կոմերսանտի» հատուկ թղթակից Անդրեյ Կոլեսնիկովը։
Հանդիպումը նախապես հայտարարված չէր և տևել է մոտ 15 րոպե։ Հանդիպումը կազմակերպել է Ռուսաստանի նախագահի օգնական Յուրի Ուշակովը։ ԱՊՀ ընդլայնված գագաթնաժողովի փակ հատվածում նա այդ հարցը առանձին քննարկել է Նիկոլ Փաշինյանի և Իլհամ Ալիևի հետ։ Հայաստանի վարչապետը չի մասնակցել Կասպիական գագաթնաժողովին, բայց սպասել է դրա ավարտին՝ Վլադիմիր Պուտինի և Իլհամ Ալիևի հետ հանդիպելու համար։
Վլադիմիր Պուտինի Թուրքմենստան կատարած այցից առաջ Յուրի Ուշակովը հայտարարել է, որ Վլադիմիր Պուտինի և Նիկոլ Փաշինյանի միջև հանդիպում նախատեսված չէ։ Սակայն Ռուսաստանի նախագահի օգնականը չի բացառել նրանց շփումը միջոցառման ընթացքում։