ԱՄՆ կառավարության կողմից Կուբայի նկատմամբ կիրառվող սահմանափակումները ուղղված են ոչ միայն կարիբյան հանրապետության, այլև ամբողջ միջազգային հանրության դեմ, հայտարարել է Կուբայի արտաքին գործերի նախարար Բրունո Ռոդրիգես Պարիլյան։
«ԱՄՆ կառավարությունը ո՛չ գործնական, ո՛չ էլ բարոյական իրավունք ունի որոշելու, թե ինչն է օրինական միջազգային իրավունքի և ազատ առևտրի նորմերի համաձայն», – գրել է նա։
Նա նաև նշել է, որ «ԱՄՆ կառավարությունը բացարձակապես ոչ մի իրավասություն չունի որոշելու, թե ով կարող է կամ չի կարող վառելիք կամ որևէ այլ ապրանք գնել կամ վաճառել Կուբային, ներդրումներ կատարել Կարիբյան Հանրապետությունում կամ օգնություն տրամադրել Կուբայի ժողովրդին։
«ԱՄՆ կառավարությունը նաև իրավունք չունի ռազմածովային շրջափակում կամ էներգետիկ էմբարգո կիրառել, կանգնեցնել կամ ստուգել նավերը բաց ծովում», – հայտարարել է Կուբայի արտաքին գործերի նախարարը։
2026 թվականի հունվարի վերջին ԱՄՆ կառավարությունը միջոցներ ձեռնարկեց՝ ուղղված Կուբա վառելիքի մատակարարումների ամբողջական դադարեցմանը։ Մայիսին այս միջոցառումները ամրապնդվեցին Վաշինգտոնի նոր հրամանագրով, որը սպառնում էր երկրորդական պատժամիջոցներ կիրառել Կարիբյան հանրապետությանը նավթ մատակարարող երկրների նկատմամբ։ Այս միջոցառումները հանգեցրեցին կղզում էներգետիկ համակարգի աշխատանքի կտրուկ վատթարացման և տնտեսական լուրջ խնդիրների։