Իսրայելում ԱՄՆ դեսպանատունը զգուշացրել է իր քաղաքացիներին Մերձավոր Արևելքում լարվածության սրման վտանգի մասին՝ Եմենում վերջին իրադարձությունների լույսի ներքո: ԱՄՆ դիվանագիտական առաքելության կայքում տեղադրված հայտարարության մեջ զգուշացվել է տարածաշրջանում թռիչքների հնարավոր չեղարկման մասին՝ շարունակվող լարվածության պատճառով։
«Մերձավոր Արևելքում գտնվող ամերիկացիները պետք է բարձր զգոնություն ցուցաբերեն՝ անվտանգության հետ կապված բարդ իրավիճակի պատճառով: Ուշադիր եղեք թռիչքների հնարավոր չեղարկումների, օդային տարածքի փակման և ճանապարհորդության խափանումների մասին», – զգուշացրել է դեսպանատունը:
Միաժամանակ, հայտարարության մեջ ընդգծվում է, որ Երուսաղեմում ԱՄՆ դեսպանատունը և Թել Ավիվում գտնվող հյուպատոսական բաժինը դեռևս բաց են և գործում են սովորականի պես, և որ հյուպատոսական ծառայությունները ամերիկացի քաղաքացիներին մատուցվում են լիարժեքորեն։