08 Հոկտեմբերի 2026, 15:12
Հայկական ծագմամբ ռուս գեղասահորդուհի, Ռուսաստանի եռակի չեմպիոն, Ռուսաստանի Գրան պրիի եզրափակիչի եռակի հաղթող, Ռուսաստանի առաջնության բրոնզե մեդալակիր և Օլիմպիական խաղերի մասնակից Ադելիա Պետրոսյանը գլխավորել է Գրան պրիի փուլերի պահեստային գեղասահորդների ցուցակը։ Այս մասին հաղորդվում է Գեղասահքի միջազգային միության (ISU) կայքում։
19-ամյա Պետրոսյանը առաջատարն է՝ 204,16 միավորով։ Պահեստային մարզիկները հնարավորություն են ստանում մասնակցելու մրցաշարին, եթե քվոտա ստացած մասնակիցներից որևէ մեկը հրաժարվում է ելույթից։
Անցած շաբաթ Պետրոսյանը Բաթումիում կայացած «Չելենջեր» շարքի Trialeti Trophy մրցաշարում զբաղեցրել է երկրորդ տեղը։
ISU-ն ռուս մարզիկներին թույլատրում է մասնակցել իր մրցումներին չեզոք կարգավիճակով, սակայն վարկանիշային միավորների բացակայության պատճառով նրանք դեռևս սահմանափակ քանակությամբ քվոտաներ ունեն գլխավոր մրցաշարերի համար։