Հունգարիան համաձայնել է չարգելափակել Ուկրաինայի՝ ԵՄ անդամակցության բանակցությունների հաջորդ փուլերի տեխնիկական նախապատրաստումը։
Բուդապեշտի դիրքորոշման փոփոխությունը կապված է Ուկրաինայի կողմից ազգային փոքրամասնությունների, այդ թվում՝ Անդրկարպատիայի հունգարացիների, լեզվական և կրթական իրավունքներն ընդլայնող օրինագծի ընդունման հետ։
Օրինագիծը Գերագույն ռադայում գրանցվել է հոկտեմբերի 1-ին, իսկ քվեարկությունը նախատեսվում է հոկտեմբերի 12-ին։
Դրա ընդունման դեպքում Հունգարիան պատրաստ է աջակցել «Ներքին շուկա» և «Մրցունակություն և ներառական աճ» կլաստերների բացմանը։ Բանակցությունների պաշտոնական մեկնարկը նախատեսվում է հաջորդ շաբաթ Բրյուսելում։
Հունգարիայի և Ուկրաինայի միջև փոքրամասնությունների իրավունքների հարցը երկար ժամանակ եղել է երկկողմ հարաբերությունների գլխավոր տարաձայնություններից մեկը և խոչընդոտել է Ուկրաինայի եվրոպական ինտեգրման գործընթացին։