Սլովակիայի վարչապետ Ռոբերտ Ֆիցոյի խոսքով՝ Եվրոպան վառելիքի շուկայում, հատկապես դիզվառելիքի ոլորտում, լուրջ խնդիրների է բախվել, և նրան ծանր աշուն ու ձմեռ են սպասվում։
Ֆիցոն ԵՄ-ի՝ ձմռանը պատրաստվածությունը նկարագրել է «Հյուսթոն, մենք խնդիր ունենք» արտահայտությամբ՝ «Ապոլոն-13» ֆիլմից՝ նշելով, որ «Եվրոպան նավթի և վառելիքի լուրջ խնդիր ունի»։ Վարչապետի խոսքերը մեջբերում է SITA առևտրային լրատվական գործակալությունը։
Ֆիցոյի կարծիքով՝ գների վրա ազդում են աշխարհաքաղաքական մի շարք գործոններ, այդ թվում՝ Մերձավոր Արևելքի հակամարտությունը և նավթամթերքի առևտրային հոսքերի փոփոխությունը։