Իրանի շուրջ տեղի ունեցող իրադարձությունները ցույց տվեցին էներգամատակարարման ուղիների դիվերսիֆիկացման անհրաժեշտությունը, չորեքշաբթի օրը հայտարարել է ԱՄՆ պետքարտուղար Մարկո Ռուբիոն։
«Վերջին իրադարձությունները ( Իրանում – խմբ.) մեզ հիշեցնում են, թե որքան կարևոր է ունենալ բազմազան էներգամատակարարման ուղիներ։ Մենք երբեք չպետք է հայտնվենք այնպիսի իրավիճակում, երբ աշխարհի մի մասից մատակարարման խափանումը վտանգի տակ դնի ամբողջ աշխարհը», – ասել է նա Հունաստանի արտաքին գործերի նախարար Գիորգոս Գերապետրիտիսի հետ համատեղ մամուլի ասուլիսում։
Նա նշել է, որ կախվածությունը մեկ աղբյուրից կամ մատակարարման ուղուց կարող է սահմանափակել պետությունների կարողությունը գործելու իրենց շահերից ելնելով և առանձին երկրներին կամ «խարդախ ռեժիմներին» տալ ազդեցության լծակներ։